書本中提到一個讀者來書，令我感受好深。內容大致上是講一位獨居老人去睇醫生，但醫療卷已經沒有錢了，又沒有親人來給付醫藥費用，旁人睇到真係好心up，伯伯好可憐。令我感受好深的是事情反映了被動收入的重要，以及財務自由既計劃應該要考慮保險，就只是單純的醫療保障，以免大病一場要變賣資產來睇醫生。當然，比保險更更更加重要的是〝健康就是財富〞，要努力做運動，留意休息時間，令自己可以長命一點。
而這個讀者來信的第二部分是講到讀者的財務自由的計算。內容請到長達幾十年的投資計劃，止凡兄的回應只是提及長時間既計劃可以是主幹，再按情況變動。 止凡兄的回應好像是理所當然，但卻令我回想自身的情況。
我之前花了不少時間在想想怎樣安排月供股票的計劃，每隻供多少，投資回報大約多少，板塊比例如何分配，個股佔幾多，每年收股息大約多少，供多少年才達到目標。計下計下，要供成十年先達到目標的一半。學柴九哥咁講，“人生有幾多個十年”，想到現時安排的月供股票計劃要供十年，如果錯左咪好大件事？一方面又講投資係一個長期計劃，另一方面時間咁長，當中的變數又未必考慮得到咁多。所以不時都會心掛掛打開個excel 睇睇，又想想有沒有需要改動。改下改下，反而令自己既思緒更亂，但又沒有什麼實質的改善。所以好似止凡兄咁講，定左個主幹慢慢按情況去執行。更重要的是不斷增加自己財務知識，令自己可以分析到當前情況作微調操作。
這本書的其他方面都有講下財務自由之後既心境和準備，雖然現在對我來說好遠，但係都感受到財務自由其實是一個令自己既後顧之憂少了一大部分，但不代表是退休日。雖然本書名叫《財職兼收》，但係職果一方面就無咩講，但有一個小故事就講述到一個公司主席，入了醫院還要為公司打報告的經歷，最可惜的是，他就算在醫院都為公司賣命的工作，但他離開之後也沒有人記得他。也令我想了想，人生的意義。其實一生人花了不少時間在工作上，但最後沒有人記得你的貢獻，就可像沒有存在過一樣的。如果所做的工作是自己喜歡的，那還好，如果是為了兩餐又做既，那又如苦呢？那是不是應該也花點時間，做一點幫到人又有意義既事，令自己開心，又有人會記得自己呢？
另一個書中講到有關身邊朋友債券基金既事情令我都幾深刻，講出了一個類似工程上 single point failure 既情況，就是加息。書中不是談加息的可能或者加幾多，這個學習到的點子就是資產分配時要了解當中既關聯性，有沒有機會出現一些情況是會一次過全部中招的。這些都對自己的財務知識都增加了。
多謝止凡兄。這些書都值得睇多幾次，不同時候睇可能會有不同既得著或者提醒。下一本會睇睇鍾記既《實踐價值投資的真諦》。睇完再分享。
感謝你寫這閱後感，能啟發讀者真開心，加油
回覆刪除