重整投資計劃的想法

最近聽咗好多唔同市場上面嘅聲音，有好多人有自己獨特嘅見解，唔同嘅睇法。聽吓聽吓自己不其然會諗，其實邊一個先啱呢？我想大家都經歷過不斷聽不同嘅 Youtuber, KOL 嘅分析，聽下聽下會唔知自己做緊咩，一個話升一個話跌，一個前日話升，過幾日話 Sorry 數錯咗波浪。Well, 問返自己究竟我聽咗啲乜嘢，突然間醒覺返，自己好像慢慢變了聽貼士的一群，聽人講多過自己想清楚自己應該怎樣做投資。

之後睇返自己之前寫嘅 blog，搵返自己之前嘅投資心態。重新整理下自己嘅諗法同方向，

１。 以儲資產嘅角度，增加現金流

２。不強求低買高賣 （不用炒賣心態）

３。只投資自己認識嘅股票 (最好是日常生活接觸到的)

感覺上用這樣的想法，可以去掉很多諗法，個人都可以靜返落嚟再梳理下自己真正想要個點樣嘅投資組合同落實方法。最近好多唔同嘅聲音，你又聽咗啲乜嘢？係令自己清晰咗定係亂咗？

市場氣氛不好，經濟環境不好，每個公司都面對不同程度的困難，每間公司都有壞消息同不利嘅故事可以講。我自己就決定睇多一點公司盈利能力同之後嘅發展潛力做選擇。同埋唔好怕買完即跌少少就馬上止蝕離場嘅諗法。（止蝕係需要的，只是在基本面改變既時候，而不是在一天兩天的股價波動）其實有很多個股都跌了很多，只要盈利能力沒有大變，其實可以放心買入或持有。因為當過後幾年，事過境遷之後，強的企業的轉勢會比其他的企業快。所以上一次打 Blog 時都有寫過自己的想法，就是在這個股市大跌的時機下換股，把手上的一些不太好的股票換走。思想的方向是

〝在風浪中，那些企業還可以生存，等待到大環境改善的一天？〞

〝在風浪平靜過後，那些企業的賺錢能力會回復？〞

〝在風浪中，自己個人的現金流情況如何？〞

對應這三個問題，我自己會選擇以分注的方式買入科技股及收息股。

在風浪中，可以生存到最後的一定是現金流強的企業。某些大型又有盈利的科技股現金流很強，它們最有能力捱過去。在美元轉勢的時候，它們就可以有平資金加快發展，那時就會開始有投資的資金追捧（有故事可以講）。所以為了準備那個時候的出現，現在慢慢開始分注買入。

另一方面，收息股也是另一個嚴重下跌的區域。有好些股票價格都因為債息上升而下跌不少。有好些股息是因為大家預期會減派息而先行下跌。在這種情況下，我會選擇分注買入一般盈利有保障的公司，（例如公用，或者有其他原因一定會派息的企業），即使它在這一年或兩年減多少派息，只要它在風浪過後能生存下來，回復原來派息的機會一定有。我們就是要等待那個時間。也有些公司在逆境中說會保持派息，那些個股也不是買入的時候，因為被別人當成救生圈了。現在才追入反而不好。

最後，當然要留意下自己個人的現金流，不可以用盡所有資金去買入股票。

在過去的日子裡，我都聽左好多市場上的分析，因為工作很忙，很想節省自己做功課既時間，變成聽貼士的一群。但反而覺得愈聽愈亂，失去了自己的靜心思考，失去了自己的節奏。你在這個風浪之下又有作一個怎樣的投資計劃呢？

為換馬做準備

最近考慮投資上嘅方向之後，檢視了自己手上的組合，感覺上需要整理一下。以下只係自己嘅虛擬組合作出嘅操作，不構成任何投資建議或邀約。在這種咩股都跌嘅情況之下，選擇咗賣出銀娛，盈富，置富。其實自己都想好了會換碼去邊幾隻股票到，在這𥚃想記錄返幾隻股票自己嘅買入初心同埋賣出原因。

1．盈富基金
首先是盈富基金，本身買入佢嘅諗法只係同大市同步，又會被動咁派股息。因為佢會被動式咁選最好嘅50只股票納入基金，不過近年來佢哋操作同埋規則有所改變，例如喺科技股最高位嘅時候將佢哋納入恆生指數，睇返佢哋嘅選股機制，發現原來佢哋嘅選股唔係被動選擇而係人為選擇。咁即是未必同一把尺，像以往一樣去選股到指數。另外，指數成份股嘅數目增加令到納入指數入面嘅股票數目變多，就好似之前文章所講嘅增加大學學位令到所有人都係大學生的比喻。即係將龍門擴大，令多啲公司可以入到指數，即使佢哋嘅盈利能力或市值未達到客觀嘅要求。這樣跟我本身買被動型基金嘅初心已經有所唔同，所以決定同佢講拜拜。可能我已經喺動作比較慢嗰個啦，哈哈。在大市咁差嘅情況之下賣出，可能係一個蝕本嘅操作，不過我相信而家唔止蝕，往後對佢嘅期望都唔會太大。

不過，盈富基金俾我有一啲學習嘅地方，就係需要分辨大市嘅平同埋貴而作出買入賣出嘅策略，而唔係單純咁係儲股票。例如因為中美貿易戰嘅利好消息而令股價短時間（1至2個月內發生）急速上升，呢個時候應該賣出及停止月供股票，等待下一個時機。就係等市場冷靜返，或者下一個壞消息出嘅時候就會回落。到時候先繼續月供股票。如果急升嘅時候咩都唔做嘅話，就會只係紙上富貴過，過眼雲煙。

２．銀河娛樂

另外就係銀娛，本身買入時看好佢在澳門橫琴嘅土地儲備，往後澳門要發展嘅時候，佢應該會係最受惠的一個，加上佢續牌應該唔會有政策風險，而且賭業係好賺錢嘅行業，因為賭仔十賭九輸呀嘛，咁梗係買佢對家啦。同時銀娛之前嘅酒店娛樂發展項目都做得唔錯，所以都想過長遠持有，等待橫琴發展嘅一日就係收成嘅時間。

不過現在大環境上有不同，整體嘅經濟變差，拎去娛樂或者賭博嘅錢，未必會有以前咁多。再者企業要發展新項目就需要借貸，在加息週期嘅舉債都係不利的，等佢減息借到平錢發展。雖然銀娛嘅現金儲備都好多，不過大環境暫時好似唔係好就佢。其實我都幾中意呢一只股票，覺得佢都仲係好有發展嘅潛力，不過現在大環境咁嘅時勢，呢隻股票喺我個組合入邊並不牆身現金流。與自己目前的投資目標（增加個人現金流）唔係好配合，所以都要跟呢只股票講有緣再見啦。遲下再睇有冇機會買返。

呢一隻都有操作上學習嘅地方，喺年初炒通關嘅時候佢嘅股價短時間上到去70幾蚊，果時自己又係蠢咗，咩都唔做，明明知道佢係一個急升，都只係坐喺度，沒有操作。變成曾經嘅紙上富貴，好蝕底。

３．置富信託

最後就係置富信託，其實買入嘅初心真係為咗收息，因為佢嘅業務好簡單，就係一隻收租嘅股票，加上佢以信託形式上市，一定會將可分派現金嘅九成派發出嚟作為股息。佢旗下好幾個商場物業自己都有不時經過，雖然唔係話好旺場，但自己就中意佢嘅定位在民生商場同埋停車場多，唔係一啲寫字樓嘅資產。當時買入嘅時候都有六釐息，自己都幾滿意個回報嘅。買咗佢就當自己係一個收租佬，唔會理股價升跌炒出炒入。係組合內一隻增加現金流嘅股票。

不過大環境係加息週期 收息股都會跌落嚟，除咗置富信託之外，好多收息股都跌咗好多，我會諗吓其實同一筆資金係唔係有其他更好嘅股票可以買入作長線投資呢？諗返置富嘅加租能力其實比起其他大型商場比較低，而且有啲重點商場仍然喺度翻新緊，其餘商場嘅質素比起其他大型商場又冇咁好。咁即係話當個經濟逆轉嘅時候，其他商場嘅租金升幅會俾置富更加大，議價能力都俾佢高。我覺得唔應該死守呢一只信託股票，而應該換碼去其他更加好既股票等待市場逆轉嘅時候。

即係加息見頂或者開始減息嘅時候，其他更大型嘅信託股票或者地產收租股，升幅及回報應該更加大。可能外資返嚟嘅時候，其他更優質嘅股票升幅應該會比置富更好。

呢只股票都學識咗一樣嘢，就係要睇佢升既原因係咩。仲好記得快當時第一次買入嘅時候咁啱喺中美貿易戰發生緊，所有嘅收息股或者主要收入喺香港或者中國內部就搵會升曬上去。因為個個都驚唔知道美國有咩手段再打壓，市場嘅避險情緒好高， 所以資金流入去呢一啲簡單嘅收息股，其實當時呢個買入決定係錯，因為時機係唔啱。應該等個市場唔係焦點在呢種類股票嘅時候先慢慢買貨。

整體考慮

自己都諗好咗投資目標，就係要增加個人現金流，現在好多股票都跌咗落嚟，好希望喺加息嘅週期入面儲多一啲有穩定盈利又會派發股息嘅股票，坐住等下一個減息週期。「儲資產，增加現金流」做好防守個一部份當然，令資金回籠的速度增加。在往日子即使要買些增長股出錯了都還有返生的機會。沒有一間企業可以應承你有穩定嘅盈利同穩定嘅派息，事情總會有黑天鵝事件，所以只可以喺注碼上面控制好，考慮自己可以承受嘅風險有幾多。當然我都諗抽一小部份嘅注碼出嚟，買入啲大型嘅科技股，因為佢哋就係下一個減息週期嘅受惠者。

＃資料僅供參考用途，在任何情況下不構成任何投資建議，只是小弟作紀錄之用，千萬不要跟，賺蝕也與本人無涉，投資也很大風險，股票可升可跌，甚至可引致全數損失

好耐都沒有更新對投資的想法

時間過得真係快，原來對上一次寫低自己投資既心路已經是一年前了。我並沒有放棄對股票投資或者清倉，只係因為上年的下半年度自己轉了新工作加上在處理結婚事宜。很多時間和精神都在放了在其他地方。在完成了結婚這件大事之後，聽下最近市況同周邊的聲音，令我自己都有些很深刻的感受，想紀錄一下。但係每次可以靜下來寫既時間不多，可能分開幾次寫。

在加息周期裡，很多公司的估值都跌了很多，特別是收息股，增長股。還記得之前自己剛剛開始買股票時, 有一段時間常常覺得那些好的收息股成日都唔跌，重是去到某個股息率就會有人買，那時就用月供股票方式買入。同埋啲增長股都唔跌，沒有機會買入。反而去到現在，那些股票的價格都比之前跌左唔少，令我都諗下其實係唔係一個買入機會？咁佢地跌既原因又係咩呢？

在低息環境，錢放左銀行只係收到較低既利息，所以大家都會買啲收息股，增加現金流回報（好過放係銀行)。不過加息周期，成個大環境唔同左，有錢既人都會想放錢係銀行，唔洗受其他風險（例如買股票既會諗個股有機會減派息，或者資不抵債，所以會選擇賣出股票而轉做債卷或者短期既定期存款，等待下一個周期）

不過收息股的價值是在公司業務盈利產出自由現金流產再按管理層決定派息比率而生成給股東們的現金流。在加息周期，公司要留現金防身而減派息都好正常，如果只係怕減派息，而令佢地股價下跌，會唔會係一個好既買入機會呢？

係呢方面我試試分享一下自己既睇法，

１。加息減息，ＱＥ或者縮表都係一個周期

在過去幾年認識多左左美國ＱＥ令資產價格上升既關係，對經濟的影響，美元債的息率對股市影響。在之前低息時間，先要保著本金，再要多搵投資機會，利用平錢安全地槓桿投資。在加息周期，先要保著自身現金流，再搵投資機會等待下一次既減息周期會升值既野。我覺得穩健既收息股（現金流強又會派息既公司）其實就係其中一樣。

２。有些收息股以前是舉債維持派息，或者用提高派息比率來增加派息。

呢一種公司在高息環境裡理應會減派息，而股價下跌。其實這類的收息股我自己不太喜歡。因為股息不是由公司的盈利派出黎，在加息周期唔會用新債還舊債，就會好可能要賣資產還債或者派息。咁樣做法會影響到公司之後既盈利能力，所以唔應該揀。

３。有些公司是因為要留現金準備之後的債務還款而減少派息。盈利能力沒有變。

這些公司如果業務盈利不是有太大的變化，只係因為利率問題而跌，我反而覺得可能是一個慢慢收集的機會，等待下一次的減息周期。要等到幾時我都唔知道，我會揀一啲公司有穩定收入既， 應該可以支持到那個時間。例如收租既，生活必須品，國家在推動經濟時會幫助佢地既公司，我覺得資產只係因為無風險利率提升而令佢地沒有資金追捧。

４。唔好夾難買啲自己沒有留意開既股票

在 Youtube 上，有不少提出中特估 concept 既影片，解釋點解某些股票有個別的特色做估值，例如之前大家都講既藍燈籠，在我學習股票投資初期都聽過呢個名字，現在睇返真係市況又真係幾 match。講真，公司現金流強勁係真的，又肯派息，其實都係一個好選擇。但係我自己之前沒有留意開呢間公司，反而我會問自己呢間公司既業務盈利，係唔係真係在加息周期中可以增長咁多，而令到個價值上升到這個地步？坦白講，我都會收集這種類型的股票，不過認識唔係咁多，又係市場現在熱捧，所以我自己唔買住。我反而更加想藉著呢個時機收集啲之前想買，但未有機會買的股票，以儲資產的角度提高之後的被動收入。

５。要有自己既計劃，打出自己既節奏

我睇返轉頭，投資係好需要一個目標（例如組合要達到年息６％回報），再有一個計劃（例如分開幾多隻股票，每一隻股票買入幾多，預期派幾多息），之後執行（例如儲錢等待機會買入，或者股票跌到你心目中價位換馬買入）。到最後睇下自己係唔係達到投資目標，其實都會好開心。但係以家好多人在不同地方分享自己既投資成績幾好幾好，自己睇到就覺得唔開心，點解同人地差咁遠，就好容易跟紅頂白，聽ｎｕｍｂｅｒ做買賣。到最後唔知自己做緊咩野。

雖然我讀書時沒有讀過其他經濟有關既野，但是很多謝一班Ｂｌｏｇｇｅｒ無私分享，令我學識到書本以外既世界，原來係咁樣運作。令自己有財務自由既諗法。

思考投資方向

過去一年多沒有打 Blog, 也反映了自己在投資上沒有什麼操作。也沒有留意投資的事。

主要原因是因為自己剛好儲夠了首期, 想著和女朋友可以有一個家, 忙著處理結婚買樓的事宜。當自己知道要開始供樓，基本上都沒有多餘的錢去做投資。心裡總是想著留多一個錢, 有多點錢準備買傢私電器, 裝潢, 等等...

所以沒有閒錢就沒有再想投資的事了，甚至有時要賣出股票換取現金，不過這也不代表我把股票全都賣掉，只可賣出了一部份。所以現在處理好大部份的支出後, 就開始會想回投資的事。

看到現在是加息的周期，供樓嘅浮動利息有可能會增加，就想一想自己的投資方向應該要點樣做。

回想返一句止凡兄在書本裡的分享, "投資其實係一個計劃"，我都反問自己的目標和計劃是怎麼樣？

當下第一個感覺就是 "要增加被動收入"。

因為又要供樓, 又要生活, 又要照顧家人, 其實財政支出的壓力也好大。看著戶口的增長慢了很多, 心裡就有點不安定。

但我知道只是儲現金又會掉進去窮人的迷思, 所以我一定要保持著儲資產。之後我望一望現在投資組合內的股票，突然另外有一個感覺，就係股票數目太多。有的是收息股，有的是增長股，有的兩樣也不是。自己看來也不太知道這個組合的目標是想做什麼，好像包羅萬有的。

當下的感覺就想把組合重新整理，調整成為專注其中一個目標。主力是收息，其次是增長型的，兩邊也不是的就會轉走。特別是一隻被動指數基金，現在看回當初買入的理由，跟現在那隻指數基金正進行嘅事有好大出入。

例如初時他會把最強的股票放入去指數內，汰弱留強，但現在股份數目增加，又放寬了納入指數的上市年期，相當於 “調整了” 門檻。

令我想起以前老一輩常常說，我們那個年代要進大學一定要係尖子先至入到，現在這麼多大學，要進大學就容易很多了，現在一街都是大學生。

再想一想，這隻被動指數基金要升的話，應該要被納入指數內的股票全都上升才會有起色。如果只是部份的股票上升部份的股票下跌，對指數的整體表現沒有什麼影響，只會浮浮沉沉。

我並不是說這隻被動型基金不好，只是不太合適自己的投資目標。這種被動型的基金有着一個好處，就是不會因為單獨一支股票消息而大升大跌。

在現在的投資環境，很多不美好的消息出現，可能反而是一個機會吸納長遠盈利能力不錯的公司。清楚知道自己的投資目標和方向，雖然有些股票是蝕住賣，但係不合適就無謂藕斷絲連，早日賣出轉入喜歡的股票吧。

現在回想返，自己一路走來的投資成績都麻麻，可能跟自己組合的目標不太清晰有關。就藉著這個機會作出調整吧！

蟹貨返回家鄉的故事

過去的一段時間市場上的資金開始轉回追入了不少舊經濟股。心裡想，終於可以把手上的蟹貨賣出去了。有機會補救返之前做錯了的決定。

其實很想賣出的不是垃圾股，只是買入價太高，所以一直都是負回報。買入的時候都是學習投資的初期，那時還未太了解自己的組合應該怎麼分配。竟然在中美貿易戰的高峰期，防守股收息股炒得興起時，買入中電作為收息股。

這件事都令自己一直心有戚戚焉，因為自己一直都想買入中電，什麼生活選股法，業務壟斷性，都是合乎自己的想法。但可惜那時未有想清楚自己所投資的公司是平或貴，只眼見股票不斷上升，遲咗買可能會執輸，一路等待調整的機會。當中電為澳洲的營運作撥備時，股價一度下跌。那時就覺得 “機會黎啦！”，隨手就買入。

現在回想那時自己的買入行為，真係白痴又好笑。希望買入中電作投資組合中充當防守角色，即是想在股市波動時，這支悶股會令其他人想起它的穩定性而買入。那不是要等一個機會，等其他人個個都覺得買佢會執輸，轉移資金出去炒另外啲股既時候我先買咩？但自己就正正係咁豬，無分平貴就衝左入去。

買入無幾耐，其實已經負回報了，雖然一直穩定派息沒有什麼問題，但是一心都覺得那次的投資決定是一個錯誤。心裏一直等著一個機會等待股價回到差不多的位置時才賣出。咁就一直等一直等，中間也等到疫情發生時，三月的環球股災，去槓桿的威力連公用股也跌到不堪時，要加注溝貨把蟹貨溝淡。中間加上收取的股息，終於等到今次可以賣出的機會。諗返起其實呢一筆資金可以用去投資其他更好嘅股票。不但浪費咗時間，更加喪失咗其他投資機會。其實不是企業出了什麼問題，只是自己的買入價比較高。

防守股應該是要在低位買入然後收取股息幫自己的組合回血。是充當著有穩定回報的角色。應該在平價的時候才買。這又是一個活生生的例子，證明優質股也會造成不太好的回報。完全取決於你的買入價。

當參與股票市場的日子久了，會感受得到市場氣氛，也會感受得到某一支股票的平與貴。這次的錯誤令我都明白到買入時機的重要性。

在找到合乎自己投資目標的股票後，都要分平貴，和買入時機。這樣自己的股票組合才會活出自己想要的效果。現在拿回這筆資金後，一定要再好好仔細想清楚，自己的投資目標，想達到的效果，市場的氣氛和時機，更重要的是企業的平與貴，才作出買入決定。浪子回頭金不換，很好手上的蟹貨回到家鄉，令我有多一次機會更正及作出正確的決定。雖然浪費了時間和機會成本，但學習到的經驗我覺得比較重要。下一次不要再衝動了，就算是機會嚟喇飛雲，都要諗真啲係咪真係機會先好決定。一個錯誤的決定，又要等機會溝淡又要等蟹貨返回家鄉，真的是勞心勞力。所以投資決定不能夠輕易作出一定要深思熟慮，做好估值。

2021 重新出發

不經不覺，又過了一個年頭，今個 2020 年真的有點難過，不論是股市上，生活上還是工作上。生活戴口罩已經成了常態，我想之後即使疫情好了，我也會多戴著一段日子。因為感覺上戴了口罩會少病一點。

另一方面，工作上在過去這一年的挑戰和壓力實在大到不行了，因為有幾位同事在上年尾離開了（想壞一點，可能是知道個 Project, 真的做得很差吧...) 令餘下來接手的同事都叫苦連天。心裡只是想努力點做，希望把問題都解決，但是問題總是愈找愈多。希望我不會是因為接了這個蘇州特產而被人踢走的人吧。希望 2021 年事情會順利一點吧。

說到對投資的總結，我想很難用簡單數隻字形容，如果非要用兩個字來形容的話，我會用＂脫節＂來形容。因為在 2020 內，我是買入比賣出多，自己還是在專注買入能夠提供現金流的企業，沒有太多買入賣出科技類的 "新經濟股"。

其實說到這裡，我都不太明白如何分新經濟和舊經濟股，大家記得起初的新經濟股都常說 ATM，但慢慢又說應該是 ATMX，再過一陣子，又說應該是 ATMXJ, 感覺好像對所謂的新經濟股其實沒有一定的定義，（會不會講講下出現哂 26 支新經濟股？），感覺上，有抄作有故事的就是新經濟股，沒有抄作的就是舊經濟股。所以我覺得不必分新經濟和舊經濟股，主要還是看企業的盈利穩定性或有增長性，管理層對派息有好的紀錄，價錢抵買的就可以了。

聽過有啲說法是，舊經濟股的收息方法是價值陷阱，我都同意有些高息股是陷阱，但不是所有收息股都是陷阱。主要的是想一想企業派息的錢是從那裡來的，如果是賣資產賣業務而得來的，那就有可能會中伏，因為派息未能持續。但如果錢是從日常企業營運而得來的，而營運是日常生活所需的話，那就未必是陷阱，反而下跌提供了買入的機會。

我一直都有 apps 去紀錄每個月自己的月供股票買入數量，投資組合的 Profit and Loss, 在2020 年的收益是 (-3％) (Loss)。主要是因為在 2019 年時，在高位買入了不少股（沒有考慮安全邊際的後果），所以在 2020年有機會在低價買入降低買入成本，在 11月開始回升了不少。在整年裡，3月時看到組合的表現時（-20%)，心裡都不太好受，幸好，心理上已經準備好，在投資前想好如果組合下跌一半 (-50%)，自己是否受得了和只用閒錢投資。加上工作太忙而沒有太多時間亂諗太多，所以沒有因為跌太多而清倉。如果當時清倉了，那麼現金流資產沒有了，不是與投資的初心有所違背嗎？

常常說新經濟股的前景比舊經濟好，這一點我同意的，但有我在這些新經濟股中有幾點是還未想通的，

１。那一個是真正有長久競爭力的？

２。那一個的護城河比較強？

３。當前的價格值得買嗎？

想了頭兩個問題，其實心中有一個選擇，但因為現時它的價錢比較貴了，所以最後都是沒有買入，等待下一次的機會吧，反正這股不為我帶來什麼現金流，可能只是帳面上的波動吧。我覺得現在我狀況還是在投資的初期，集中儲多一點現金流資產為主的項目。除非有個好的機會買入這些科技類的龍頭企業，否則都是等待機會了。我自己的投資想法和考慮也是沒有改變的，先做好個人現金流，到後來投資所生出來的現金，才投到那些增長股。

至於新一年的目標吧，認真想過後，真的需要開始學習一下研究年報了，主要是學習如何更加深入分析到企業的好與壞，盈利水平，為之後的投資路作好準備。在書店中找到了一本不錯的書籍，名字叫做 “股市真規則”。在書目中初步看了看書中的內容，感覺內容和知識很實在，所以買下來回家慢慢看。之後每看到一章節再跟大家分享。因為工作的關係，過去這一年睇書的時間和數量都少了很多，對個人的成長都減慢了很多。在 2021 年一定要加快腳步追回失去的時間，努力學習。

在疫情下面對新舊經濟股的想法

投資從來都不是容易的事，難的原因係因為身邊有好多不同的聲音會同你講應該點做點做，例如某些板塊出現不好的消息，好多聲音都會叫你沽貨離場，又有好些聲音叫你應該買入一些強勢股才對，但係未必每個其他人的講法都同你所想的一樣。有時候聽太多甚至會忘記了自己的目標和策略，更有機會諗下係唔係自己錯，別人想的才是正確。

最近，我都是面對著同一個問題。身邊不少有投資的朋友都會說不要留守舊經濟股了，個市升時這種股票又不會跟升，但大市跌又會跟住一齊跌，重衰過咩都唔買。過去幾個月，新經濟股起飛得好快，加上股市波動，有好些時候都有面對過這個情況。心裡面都有想想是不是要把原來舊經濟股的資金轉買些新經濟股呢？思考了好一些時間，把自己的思量紀錄下來。

1. 對大環境的理解會影響投資想法。先要有自己的看法，才可以訂立策略和方法。

雖然不少 Youtube 上的片段，都有不少的達人說舊經濟不行，又有達人說無限 QE 增加了資產價格的通脹，同時又有達人說經濟停頓失業和破產上升，會令通縮的風險增加。每個說法都有各自的合理性，但那一種有較大機會發生呢？我不知道，但我自己比較相信通貨膨脹還是一直會發生的，所以我認為資產價格也是會一直向上升。只不過重資產（例如租金的上升的速度）應該沒有之前上升得那麼快。

有想法再訂立適合自己的策略（長線，短線），所以投資是很個人的事，因為合適別人的，未必合適你。例如有些人會期待疫情過去之後的經濟復甦，有些人會認識經濟回不去以前了，加上通動性高，轉為投機者短線走幾轉先再看情況，有些人會認為新經濟的時候來臨，舊經濟股會變得一文不值，沒有盈利前景，或者會被慢慢陰乾。其實每個做法都可以的，只要先想想自己對現時和將來的經濟有什麼看法，有一個期望，有一個想法，想想大環境會怎樣轉，才訂下投資策略，再而想想當中的風險。

2. 訂立好策略後在這個時候應該買些什麼來執行呢？收息股？買增長股？新經濟股？舊經濟股？

看看現時自己的組合是否需要換馬來做到自己的策略。我主要用的策略是先專重現金流的投資，所以我看看企業的收入是否穩定地能支持派息。每個行業都有自己的生意，每個企業都有自己的獨特性，未切完全像別人所說的沒有希望了。說到尾還是要自己分析，自己想好投資方向，到最後嬴定輸都對自己有個交代，不會只是聽了別人說了幾句就去買了。要先看看那些企業在疫情下的受益程度是否被高估了，或者是無從判斷的都不應該買，看不懂的不要買，不要怕執輸。因為買了不認識的股票後，其實是不知道風險在那裡，要沽貨時又唔知道要走，要加注又比人慢一步，羊群效應下的投資雖然不難贏少少，但很容易輸很多。

另一方面，對租金收入有影響，但會不會整個商場都沒有人租呢？其實可以看看年報內的租戶種類分析，知道大多租戶也什麼類型（是小型的民企？還是聯所店？銀行？大型零售商店？）也可以自己落去幾個商場走走，開開是不是真的很多吉鋪。即使是短期減租，也不用太擔心，反而可以保持高的出租率，令個商場人流得到保持。這樣的話，等到經濟重啟時，反彈都勁啲，也令我對所持有的企業更加安心。

3. 自己同別人的想法不同時，最重要的是知道自己在做什麼。

因為每個人的投資策略和對風險的看法都不同，要知道自己的投資目標是什麼，一步步去達成就可以了，不用理會別人的說法。有些人會繼續做收租佬，有些人會繼續儲公用股，有些人會轉投新科技股。新經濟股在這個流動性高的環境下，大多不會有大的危機。但它們的盈利穩定性又怎樣呢？盈利增長的預測性又怎麼樣呢？萬一盈利不似預期的話，現在的股價能夠維持嗎？要是短期因素而令股價大幅波動，心理壓力是否能夠承受？自問自己比較喜歡買一些穩定盈利的企業，因為不用估計太多事情，也不會出現大驚和大喜。特別是公用股，地產收租股。感覺上，它們的盈利穩定性都比新經濟來得實在。雖然疫情對對電費收入有影響，不過它們是生活的必須品，始終有一定量的人還是會用的。這樣的悶股不會令我變得十分富有，但同時也不會令膽小的我睡不著。